69´«Ã½

Fel rhan o’u rhaglen gefnogi addysg uwch sydd wedi bod yn rhedeg ers amser maith, mae Santander Universities yn cynnig cyfle i fyfyrwyr ôl-raddedig Prifysgol 69´«Ã½ ennill un o 5 gwobr symudedd (4 x £1000 a 1 x £1350) i gefnogi eu hastudiaethau / ymchwil a’u cyflogadwyedd.

Cefndir

• Mae’r cyfle hwn ar agor i fyfyrwyr ôl-raddedig (Meistr, ôl-raddedig a addysgir neu ymchwil, PhD) sydd wedi’u cofrestru ar hyn o bryd ym Mhrifysgol 69´«Ã½. Nid oes angen i chi fod yn gwsmeriaid Santander i wneud cais.

• Rhaid i chi roi manylion am sut rydych yn bwriadu gwario’r wobr symudedd a sut y bydd hyn yn gwella eich astudiaethau / ymchwil a’ch cyflogadwyedd.

• Rhaid cwblhau’r holl weithgarwch a ariennir cyn dechrau’r flwyddyn academaidd nesaf.

• Rhoddir y cyllid fel arian parod a gellir ei wario ar unrhyw beth sy’n cefnogi symudedd yr enillydd, gan gynnwys costau teithio, costau cynadleddau, gweithgareddau datblygiad proffesiynol, profiad gwaith ac unrhyw gostau perthnasol eraill.

• Bydd y 5 grant yn cael eu dyrannu ar sail hap gan Brifysgol 69´«Ã½ (yn amodol ar fodloni trothwy ansawdd lleiaf).

• Yn ogystal â 4 gwobr o £1000, ac yn ôl disgresiwn Prifysgol 69´«Ã½, bydd un wobr symudedd o £1350 ar gael i’r cais gorau.

• Mae ceisiadau ar agor nawr tan 18 Gorffennaf 2025, gyda’r ymgeiswyr llwyddiannus yn cael gwybod erbyn 25 Gorffennaf 2025.

• I wneud cais, rhaid i ymgeiswyr fynd i blatfform Santander Open Academy, lle bydd angen i chi gofrestru cyfrif. Ar ôl cofrestru, byddwch yn derbyn e-bost cadarnhau. Yna gallwch lenwi ffurflen gais fer a gwneud cais am y grant.

Ymgeisio a dethol: defnyddiwch y  hon i gofrestru a gwneud cais.