69´«Ã½

Ar 22 Tachwedd 2024, roedd yn anrhydedd i Brifysgol 69´«Ã½ groesawu cydweithwyr o Brifysgol Gwyddor Gwleidyddiaeth a'r Gyfraith Tsieina (CUPL) i ddathlu a chryfhau ymhellach y berthynas gydweithredol rhwng y ddau sefydliad. Mae'r bartneriaeth hirsefydlog hon, a sefydlwyd drwy’r Sefydliad Confucius ar y cyd ym Mhrifysgol 69´«Ã½, wedi meithrin cyfnewidiadau academaidd a diwylliannol sylweddol dros y blynyddoedd.

Roedd yr ymweliad, a gynhaliwyd ym Mhrif Adeilad y Celfyddydau Prifysgol 69´«Ã½, yn llwyfan i ailgysylltu â phartneriaid sefydledig a chroesawu cydweithwyr newydd. Bu’r trafodaethau’n canolbwyntio ar hyrwyddo nodau a rennir ac archwilio mentrau yn y dyfodol i ddyfnhau cydweithredu.

Un o brif uchafbwyntiau’r ymweliad oedd llofnodi dau gytundeb arwyddocaol gan uwch gynrychiolwyr o'r ddwy brifysgol. Mae'r cytundebau hyn yn cynnwys rhaglen gyfnewid myfyrwyr a rhaglen ysgoloriaeth gradd Meistr, y ddau wedi eu hanelu at wella cydweithrediad academaidd a chyfnewid diwylliannol rhwng y sefydliadau.

Mae’r datblygiadau hyn yn garreg filltir bwysig yn ein partneriaeth, gan ailddatgan ymrwymiad y ddau sefydliad i ddarparu cyfleoedd eithriadol i fyfyrwyr ar gyfer twf academaidd ac ymgysylltu byd-eang. Mae Prifysgol 69´«Ã½ yn edrych ymlaen at effaith gadarnhaol barhaus y mentrau hyn yn y blynyddoedd i ddod.