69´«Ã½

Roeddem yn falch iawn o fod yn rhan o’r digwyddiad 'International Languages Superheroes' heddiw, a drefnwyd gan Routes Cymru gyda chefnogaeth Dyfodol Byd-eang GwE. Croesawodd y digwyddiad ddisgyblion blwyddyn 5 o amrywiol ysgolion i Brifysgol 69´«Ã½ am ddiwrnod o weithgareddau ieithyddol a diwylliannol.

Yn ystod y digwyddiad, bu tiwtoriaid o Sefydliad Confucius yn difyrru myfyrwyr gyda gwersi Mandarin diddorol a sesiynau Tai Chi deinamig. Roedd y gweithgareddau hyn yn rhan o ymdrech ehangach i arfogi dysgwyr ifanc â’r sgiliau a’r brwdfrydedd i fod yn archarwyr iaith rhyngwladol a chynrychioli eu hysgolion a’u cymunedau.

Roedd y gweithdai Mandarin yn cyflwyno’r disgyblion i hanfodion yr iaith, gan gynnig cipolwg ar ddiwylliant Tsieina ac ysgogi diddordeb mewn astudiaethau iaith pellach. Yn y cyfamser, rhoddodd y sesiynau Tai Chi gyfle unigryw i’r disgyblion gymryd rhan mewn ymarfer corfforol a meddyliol, gan ddangos manteision cyfannol yr arfer Tsieineaidd hynafol hwn.

Ychwanegodd gyfraniadau Sefydliad Confucius ddyfnder ac amrywiaeth at y rhaglen, a oedd hefyd yn cynnwys gweithdai Ffrangeg, Iaith Arwyddion Prydain ac Eidaleg.

Tanlinellodd y digwyddiad bwysigrwydd cyfnewid diwylliannol a dysgu iaith, gan ysbrydoli’r genhedlaeth nesaf o ddinasyddion y byd!